អនុគមន៍បេសែ្សល

ក្នុង​គណិតវិទ្យា​ អនុគមន៍​បេសែ្សល (Bessel function) ត្រូវ​បាន​កំនត់​និយមន័យ​ដំបូង​ដោយ​គណិតវិទូ ដាណ្យែល ប៊ែរនូយី (Daniel Bernoulli) និង​ធ្វើ​អោយ​ទៅ​ជា​ទូទៅ​ដោយ​គណិតវិទូអាល្លឺម៉ង់ ហ្វ្រេនរិច វីលហែម បេស្សែល (Friedrich Wilhelm Bessel) និងជាចំលើយ $y(x)$ នៃ​សមីការឌីផេរ៉ង់ស្យែល​បេស្សែល

$x^2\frac{d^{2}y}{d{x}^2}+x\frac{dy}{dx}+(x^2-{\alpha }^2)y=0$

ចំពោះ​គ្រប់​ចំនួនពិត ឬ ចំនួនកុំផ្លិច $\alpha$ ។ ករណីពិសេស​សំខាន់​បំផុត​និង​ទូទៅ​បំផុត​គឺ $\alpha$ ជា​ចំនួនគត់​ និងវាត្រូវបានគេហៅថាលំដាប់នៃអនុគមន៍បេស្សែល។

អនុគមន៍បេស្សែលក៏ត្រូវបានគេស្គាល់ថាជាអនុគមន៍ស៊ីឡាំង ឬ អាម៉ូនិកស៊ីឡាំង ពី​ព្រោះ​វា​ត្រូវ​បាន​គេ​រក​ឃើញ​ក្នុង​ដំណោះ​ស្រាយ​នៃ​សមីការឡាប្លាស​ក្នុង​កូអរដោនេស៊ីឡាំង​។

ទ្រឹស្តីបទផលគុណ

អនុគមន៍បេសែ្សល​គោរពតាម​ទ្រឹស្តីបទផលគុណ

${\lambda }^{-\nu }{J}_{\nu }(\lambda z)=\sum _{n=0}^{\mathrm{\infty }}\frac{1}{n!}{\left(\frac{(1-{\lambda }^2)z}{2}\right)}^n{J}_{\nu +n}(z)$

ដែល $\lambda$ និង $\nu$ អាចជា​ចំនួនកុំផ្លិច​។ ទំរង់ស្រដៀងគ្នាអាចអោយចំពោះ $Y_{\nu }(z)$ ។