ប្រលេឡូក្រាម

ប្រលេឡូក្រាម ABCD ប្រលេឡូក្រាម ជាប្រភេទចតុកោណដែលមានជ្រុងស្រប ២ គូ។ គ្រប់ជ្រុងឈមនៃប្រលេឡូក្រាម (ជ្រុង ២ ដែលនៅឆ្ងាយ ផ្ទុយពីគ្នា និងមិនប៉ះគ្នា) តែងតែស្របគ្នានិងមានប្រវែងស្មើគ្នា នោះគ្រប់មុំឈមនៅក្នុងប្រលេឡូក្រាមនោះក៏មានរង្វាស់ស្មើគ្នា។ ពាក្យថា "ប្រលេឡូក្រាម" គឺបានមកពីពាក្យភាសាក្រិច "parallēló-grammon" ដែលមានន័យថា រាងនៃជ្រុងស្រប។

លក្ខណៈ

• អង្កត់ទ្រូងរបស់ប្រលេឡូក្រាមកាត់គ្នាត្រង់ចំនុចកណ្តាល។ ចំនុចនោះជាផ្ចិតឆ្លុះផង និងជាទីប្រជុំទំងន់ផង។
• ជ្រុងឈមគ្នា ស្របគ្នានិងមានប្រវែងស្មើគ្នា។
• មុំឈមគ្នាមានប្រវែងស្មើគ្នា។
• មុំជាប់គ្នាជាមុំបន្ថែមគ្នា។
• អង្កត់ទ្រូងទាំង២ខ័ណ្ឌចែកប្រលេឡួក្រាមជាត្រីកោណ៤ ដែលមានក្រលាផ្ទៃស្មើគ្នា។

លក្ខណៈសំគាល់

លក្ខណៈដូចរៀបរាប់តទៅនេះ មានលក្ខណៈគ្រប់គ្រាន់ស្មើគ្នា ក្នុងការបង្ហាញថាចតុកោណ ១ជាប្រលេឡួក្រាម។

• ចតុកោណដែលមានជ្រុងឈមស្របគ្នា២ៗ។
• ចតុកោណប៉ោងដែលមានជ្រុងឈមគ្នាមានប្រវែងស្មើគ្នា២ៗ។
• ចតុកោណដែលមានអង្កត់ទ្រូងកាត់គ្នាត្រង់ចំនុចកណ្តាល។
• ចតុកោណប៉ោងដែលមានមុំឈមគ្នាស្មើគ្នា២ៗ។
• ចតុកោណប៉ោងដែលមានជ្រុងជាប់គ្នាជាមុំបន្ថែមគ្នា។
• ABCD ជាប្រលេឡួក្រាមកាលណា $\overrightarrow{AB}=\overrightarrow{DC}$

ចំនាំ

ចតុកោណស្មើ ចតុកោណកែង ការ៉េ ជាប្រលេឡូក្រាមពិសេស។

រូបមន្ត

ក្រលាផ្ទៃ

• $S=a\cdot b\cdot \sin \alpha$
• $S=a\cdot h_1=b\cdot h_2$
• $S=\frac{1}{2}(d_1\cdot d_2\cdot \sin \theta )$

បរិមាត្រ

• $P=2\cdot (a+b)$

ផ្សេងទៀត

• $d_1=\sqrt{a^2+b^2+a\cdot b\cdot \cos \alpha }$
• $d_2=\sqrt{a^2+b^2-a\cdot b\cdot \cos \alpha }$
• $h_1=b\cdot \sin \alpha$
• $h_2=a\cdot \sin \alpha$
• ${d_1}^2+{d_2}^2=2(a^2+b^2)$