ទ្រឹស្តីបទមីកេល

ក្នុង​ធរណីមាត្រ​ប្លង់ ទ្រឹស្តីបទមីកេល​ជា​ទ្រឹស្តីបទ​ទាក់ទង​នឹង​រង្វង់​ប្រសព្វ​គ្នា​។

ពំនោល​នៃ​ទ្រឹស្តីបទ

ទ្រឹស្តីបទ​រង្វង់​បី៖ គេ​មាន​រង្វង់​បី $(C_1)$, $(C_2)$, $(C_3)$ ប្រសព្វ​គ្នា​ត្រង់​ចំនុច O មួយ​។ គេ​ហៅ​ចំនុច M , N និង P ជា​ចំនុច​ប្រសព្វ​ផ្សេង​ទៀត​នៃ​រង្វង់ $(C_1)$ និង $(C_2)$, $(C_2)$ និង $(C_3)$, $(C_3)$ និង $(C_1)$ ។ គេមាន​ចំនុច A មួយ​នៅលើ​ $(C_1)$ ដែល​បន្ទាត់ (MA) កាត់ $(C_2)$ ត្រង់ B និង បន្ទាត់ (PA) កាត់​ $(C_3)$ ត្រង់ C ។ ទ្រឹស្តីបទ​នេះ​បញ្ជាក់​ថា​ចំនុច B N និង C គឺ​កូលីនេអ៊ែរ​នឹង​គ្នា។

ច្រាសមកវិញ : ប្រសិនបើ ABC គឺជា​ត្រីកោណ​មួយ​និង ប្រសិនបើ M, N និង P គឺ​ជា​បី​ចំនុច​ស្ថិតនៅ​រៀងគ្នា​លើ (AB), (BC) និង (CA) នោះ​គេបាន​រង្វង់កំនត់​បាន​ត្រីកោណចារឹកក្នុង​ (AMP), (BMN) និង (CNP) ដែលដែល​រង្វង់ទាំង​បី​​ជួប​គ្នា​ត្រង់​ចំនុច O ។

ទ្រឹស្តីបទ​ចតុកោណពេញ៖ ប្រសិនបើ ABCDEF ជា​ចតុកោណពេញ​ នោះ​រង្វង់​ចារឹកក្រៅ​ត្រីកោណ (EAD), (EBC), (FAB) និង (FDC) ប្រសព្វគ្នា​ត្រង់​ចំនុច O ដែល​គេ​ហៅថា​ចំនុច​មីកេល​។