ទ្រឹស្ដីបទចំនុចកណ្ដាល

ទ្រឹស្ដីបទចំណុចកណ្ដាល (Théorème des milieux) ជាករណីពិសេសរបស់ទ្រឹស្ដីបទច្រាស់របស់​ទ្រឹស្ដីបទតាលែស (Thales's Theorem, Basic Proportionality Theorem)​ ។

ពំនោលទ្រឹស្ដី

បើសិនជាអង្កត់មួយមានចុងជាចំណុចកណ្ដាលនៃជ្រុង២របស់ត្រីកោណមួយ នោះវាស្របនឹងជ្រុងទី៣ និងមានប្រវែងស្មើនឹងពាក់កណ្ដាលជ្រុងទី៣នោះ។

ទ្រឹស្ដីបទច្រាស់

បើសិនជាបន្ទាត់មួយកាត់តាមចំណុចកណ្ដាលនៃជ្រុងមួយរបស់ត្រីកោណ ហើយស្របនឹងជ្រុងមួយទៀត នោះវាកាត់ជ្រុងទី៣ត្រង់ចំណុចកណ្ដាល។

ចំណុច $\mathrm{I}$ កាត់​អង្កត់ $\overline{\mathrm{A}\mathrm{B}}$ ចំ​កណ្ដាល ។ ដូច្នេះ​គេ​បាន $\overline{\mathrm{A}\mathrm{I}}$ $\cong$ $\overline{\mathrm{I}\mathrm{B}}$ ។

ចំណុច $\mathrm{J}$ កាត់​អង្កត់ $\overline{\mathrm{A}\mathrm{C}}$ ចំ​កណ្ដាល ។ ដូច្នេះ​គេ​បាន $\overline{\mathrm{A}\mathrm{J}}$ $\cong$ $\overline{\mathrm{J}\mathrm{C}}$ ។

ជា​សន្និដ្ឋាន គេ​បាន​​ $\overline{\mathrm{I}\mathrm{J}}$ $\Vert$$\overline{\mathrm{B}\mathrm{C}}$ ហើយ​​ $\mathrm{I}\mathrm{J}$ $=$ $\frac{1}{2}$ $\mathrm{B}\mathrm{C}$