ច្បាប់អំពែរ

ទំព័រគំរូ:អេឡិចត្រូម៉ាញ៉េទិច នៅក្នុងម៉ាញ៉េតូស្តាទិច ច្បាប់អំពែរ(ឬទ្រឹស្ដីបទអំពែរ) អាចអោយយើងគណនាតំលៃនៃដែនម៉ាញ៉េទិចបង្កើតឡើងដោយចរន្តអគ្គីសនី។ ទ្រឹស្ដីនេះទំរង់អាំងតេក្រាលរបស់សមីការម៉ាកស្វែល-អំពែរ។ ទ្រឹស្ដីនេះត្រូវបានរកឃើញដោយអង់ដ្រេ ម៉ារី អំពែរ និងជាសមមូលរបស់ច្បាប់ហ្គោសក្នុងអេឡិចត្រូស្តាទិច។

ពំនោលច្បាប់

ចរន្តអគ្គីសនី I បង្កើតដែនអាំងឌុចស្យុងម៉ាញ៉េទិច B

ក្នុងរបបស្ទើរអចិន្ត្រៃយ៍ឬអចិន្ត្រៃយ៍ ច្បាប់អំពែរពោលថា៖ «សៀកគុលឡាស្យុងតាមខ្សែកោងបិទជិតដែលហ៊ុំព័ទ្ធរបាយចរន្តអគ្គីសនី នៃដែនម៉ាញ៉េទិច ស្មើនឹងផលបូកពិជគណិតរបស់ចរន្ដដែលកាត់តាមផ្ទៃមុខកាត់នោះ។ គេសរសេរ៖

${\oint }_{\tau }\overrightarrow{H}\cdot \mathrm{d}\overrightarrow{l}=\sum I$

រឺ

${\oint }_{\tau }\overrightarrow{B}\cdot \mathrm{d}\overrightarrow{l}=\mu \cdot \sum I$

ដែល

• ${\oint }_{\tau }$ តំនាងអោយអាំងតេក្រាលខ្សែកោងតាមខ្សែកោងបិទជិត$\tau$,
• $\overrightarrow{H}$ ជាដែនម៉ាញ៉េទិច,
• $\overrightarrow{B}$ ជាដែនអាំងឌុចស្យុងម៉ាញ៉េទិច,
• $d\overrightarrow{l}$ ជាចំរៀកដ៏តូចនៅលើខ្សែកោងបិទជិត$\tau$,
• ${\mu }_0$ ជាពែរមេអាប៊ីលីតេនៃមជ្ឈដ្ឋានជុំវិញ,
• $\sum I$ ជាផលបូកពិជគណិតនៃអាំងតង់ស៊ីតេចរន្តអគ្គីសនីដែលកាត់តាមផ្ទៃហ៊ុំដោយខ្សែកោង$\tau$

អំពីចរន្តអគ្គីសនីដែលហ៊ុំព័ទ្ធដោយខ្សែកោង

យើងអាចចែកប្រភេទចរន្តអគ្គីសនីដែលហ៊ុំព័ទ្ធដោយខ្សែកោងជាច្រើនករណី៖

• បើសិនជាចរន្តនោះជាចរន្តមានរបាយមាឌ ដែលមានដង់ស៊ីតេ $\overrightarrow{j}$ នោះអាំងតង់ស៊ីតេនេះគឺ៖

$I=\underset{S}{\iint }\overrightarrow{j}\cdot \mathrm{d}\overrightarrow{S}$

• បើសិនជាចរន្តនោះជាបណ្ដុំចរន្តខ្សែច្រើន $I_i$ នោះអាំងតងស៊ីតេនេះគឺ៖

$I=\sum I_i$

ប្រយ័ត្ន៖ ដោយសារតែវាជាផលបូកពិជគណិត គេត្រូវតែដៅទិសរបស់ខ្សែកោង ដើម្បីកំនត់ទិសដៅចរន្តវិជ្ជមាននិងអវិជ្ជមាន។

• បើសិនជាចរន្តនោះជារបាយផ្ទៃ ដែលមានដង់ស៊ីតេ $\overrightarrow{k}$ នោះអាំងតង់ស៊ីតេចរន្តនេះគឺ៖

$I=\underset{l}{\int }\overrightarrow{k}\cdot \mathrm{d}\overrightarrow{l}$